وادی کمراٹ آنے والے سیاحوں سے گزارش

 

سیاحوں سے گزارش 

وادی کمراٹ آنے والے سیاحوں سے مؤدبانہ گزارش کرنے سے پہلے میں علاقہ مکینوں سے مؤدبانہ گزارش کرنا چاہتا ہوں وادی کمراٹ کے صورت میں اللہ تعالی نے آپ کو نعمت سے نوازا ہے اس نعمت کی ناشکری سے بچئے یاد رہے نعمت عطا کرنے والا اسے چھین بھی سکتا ہے اس ضمن میں ہمیں مندرجہ زیل باتوں کا خیال رکھنا ہوگا

جنگلات کی حفاظت

 وادی کمراٹ کی خوبصورتی برقرار رکھنا اس نعمت کی قدردانی ہوگی اور اس کا حسن بحال نہ رکھنا کفران نعمت کے زمرے میں آئے گا 

وادی کے قدرتی حسن کو برقرار رکھنے کیلئے جنگل کی حفاظت انتہائی ضروری ہے ایندھن کیلئے خشک لکڑیوں کا استعمال کریں حکومت وقت پہ دباؤ بنائیں تاکہ وہ سستا متبادل ایندھن فراہم کرے تاکہ جنگلات کی حفاظت ہوسکے 

2 ) خوش اخلاقی  

سیاح حضرات ہمارے مہمان ہیں ہم میں سے اکثر لوگ اپنی روایات کے مطابق اچھے اخلاق سے پیش آتے ہیں تاہم کچھ جگہوں سے بداخلاقی کی شکایات بھی موصول ہورہی ہیں جو سراسر ہماری روایات کے خلاف ہے یقین جانیں بداخلاقی کی شکایت مجھ پہ بم بن کہ گری 

3) مہنگائی کا انکار کریں 

عام سیاحتی علاقوں کی بنسبت وادی کمراٹ میں سیاحت انتہائی آسان اور کم قیمت ہے یہاں مہناحمد

 کم ہے لیکن ہمیں اسی طرح مہنگائی پہ کنٹرول رکھنا ہوگا مصنوعی مہنگائی کرنا بھی ناشکری کے زمرے میں آئے گا اس کا اگر چہ وقتی فائیدہ ہوگا لیکن مستقبل میں یہ ہمارے لئے ڈراؤنا خواب ثابت ہوسکتا ہے

4) ہمیں اپنا علاقہ صاف شفاف رکھنا ہوگا دوسرے سیاحتی مقامات کی طرح گندگی کا ڈھیر نہیں بننے دینا ہوگا وادی کمراٹ کو چونکہ عالمی پزیرائی مل رہی ہے بڑے بڑے غیر ملکی چینل یہاں کی پرموشن کررہے ہیں تو یہاں غیر ملکی سیاحوں کی تعداد میں اضافہ ممکن ہے ہمیں اقوام عالم کے سامنے پاکستان کو ایک صاف ستھرا ملک کے طور پہ پیش کرنا ہوگا اب تک وادی کمراٹ مکمل طور پہ صاف علاقہ ہے الحمد للہ لیکن ہمیں اس صفائی کو برقرار رکھنا ہوگا.  

5) سیاحوں کی سہولیات کیلئے حکومت وقت پہ دباؤ ڈالنا ہوگا تاکہ روڈ اور دوسرے ترقیاتی منصوبے جلد از جلد مکمل ہوں 

سیاح حضرات سے گزارش ہے کہ 

1)سب سے پہلے ہماری روایات ،تہذیب پہ اثر انداز نہ ہوں ہمارے لوگ مذھبی لوگ ہیں حتی الوسع  بے پردگی سے اجتناب، اونچے آواز میں گانے بجانے سے پرہیز کیا جائے یاد رہے یہ باتیں ہمارے تہذیب پہ اثر انداز ہورہی ہیں 

2) صفائی ستھرائی کے معاملے میں مقامی لوگوں کے ساتھ تعاون ضرور کریں کیونکہ یہ ہم سب کا علاقہ ہے ہمارا فرض بنتا ہے اپنے پیارے ملک کو گندا ہونے سے بچائیں چند سال پہلے تک وادی کی موجودہ حالت نہیں تھی بلکہ اس سے کئے گنا صاف ستھری جگہہ تھی لیکن اب ویسا نہیں کچھ لوگوں کی غفلت کی وجہ سے  

3)جنگلات اور جنگلی حیات کا تحفظ یقینی بنائیں اگر آپ اپنے طور پہ ککنگ کرنا چاہتے ہیں تو ضرور کریں لیکن اس کیلئے محفوظ جگہہ تالاش کریں جہاں جنگل کو نقصان کا اندیشہ نہ ہو 

4)سوشل میڈیا کے زریعے پاکستان کے اس خوبصورت ترین علاقے کی تشہیر ضرور کریں جوکہ اب تک آپ حضرات کرتے آئے ہیں 

امید ہے آپ پاکستان کے اچھے شہری ہونے کے ناطے ان باتوں کا خیال رکھیں گے اور پاکستان کی مثبت امیج دنیا کو دکھانے میں ہمارے معاون ہوں گے 

یاد رہے پاکستان دنیا کا خوبصورت ملک ہے اور ہمیں اسکی خوبصورتی برقرار رکھنے کی ضرورت ہے والسلام

رضوان احمد

تحریر اچھی لگی تو شئیر اور کمنٹ کرنا نہ بھولیں